Marka seinasta lambið

http://www.youtube.com/watch?v=xaugX6BJxQA

Langar þig að komast í form??

Hahaha, það voru þá mæðgurnar í austuveginum sem kíkja svona oft hérna á mig! Ég vil þakka þeim kærlega fyrir að þora að viðurkenna heimsóknir sínar

Ég veit reyndar að það er fullt af ótrúlegasta (og ekki svo ótrúlegu) fólki sem kíkir hingað inn á mig. T.d Óli P, Malla frænka, Heimir frændi, Inga mágkona pabba míns, önnur amma Árna, Eydís Linda og listinn heldur áfram!

En að allt öðru málefni. Ég er búin að vera dugleg í dag og vann 12 tíma rúma. Potaði niður meiri kindaskít, málaði vegg, glugga sjálfa mig og fleira, stóð fyrir hrossum og sinnti kindagörmunum sem eru ennþá heima við. Aldeilis góður dagur. Í gær þá markaði ég tvö yngstu lömbin (ég átti stóran þátt í að bjarga öðru þeirra frá dauða!! :> og seinna lambið gerði ég alveg sjálf án þess að efast og spurja Önnu Möggu hvort þetta væri ekki alveg örugglega rétt,hvort þetta væri nógu gott o.s.frv. Ég markaði, merkti, sprautaði og sleppti. Ég verð að setja mynd af þessu hérna inn fljótlega!

Svo er plöntusafnsnámskeiðið á Hvanneyri á fimmtudaginn! Fyrsti hópurinn er reyndar á morgun, svo er grill annað kvöld þannig ég mæti seinni partinn á morgun. Gunni og Stína koma við og taka mig með. Ég hlakka ekkert smá til! Hef ekki séð krakkana síðan í mars, bara búin að hitta Gunna minn örstutt tvisvar. Enda held ég að það verði mikið gaman annað kvöld

Jæja, höfum þetta ekki lengra í bili.

Sæl að sinni,

NúrsÁ-með glæsilega bóndabrúnku og rauðan nebba ;*

Ps: Hefur þú smakkað grillaða kjötbollu með BBQ-sósu??

Jæja,,, það voru yfir 40 manns búnir að koma inn á þessa frábæru síðu síðan á miðnætti... Hvernig væri nú að láta vita af sér gott fólk....

NúrsÁ- sem hræðist ókunnuga....

Jæja, á maður ekki að smá blogga... ?

Jú, kannski smá!

Það er búið að setja féið á fjall og drekka mikinn bjór núna um helgina... Ég fór í mjólkurbúðina fyrir liðið á föstudaginn og Ellen kom með mér. Við keyptum 3 kassa af Thule, einn kassa Tuborg, tvo Kalda og tvo Tópaspela... Ellen er greinilega ekki vön að sjá svona mikinn bjór í einu því að hún tók mynd af herlegheitunum Svo áttum við í vandræðum með að opna skottið á bílnum og halda á kössunum þannig á endanum þurfti ég að biðja einhver frekar furðulegan Blönduósing um smá aðstöð svo fórum við Ellen á rúntinn upp að Svínavatni þar sem við skemmtum okkur konunglega við að feyta kerlingar! Ellen fannst pínu fyndið að vatnið héti Piglake...Ég svo sem skil hana

Jæja, best að halda áfram með kynbótaverkefnið. Er að finna út hvaða hrútar á sæðingastöðunum séu álitlegastir fyrir búið.... Verður maður ekki að setja Lóminn efstan á blað (núna vita fæstir síðulesarar um hvað eða hvern ég er að tala!!! =Þ )

Hittumst heil,

NúrsÁ, sem er illa sólbrunnin á hálsinum

Þá ákvað ég loksins að blogga almennilega...

Ég er enn í verknáminu og Heimir Sigurpáll er enn hjá ömmu og afa í Sveinungsvík..  

Ég fór að hugsa um mömmu í dag. Það er satt sem fólk sagði fyrir tæpum sjö árum síðan (vá hvað það er langt síðan!), þetta verður aldrei auðvelt en þó auðveldara. Ég á alltaf eftir að sakna hennar og óska þess að ég gæti leitað til hennar með ýmislegt. Sérstaklega finnst mér það erfitt að hafa hana ekki núna, þegar ég er með Heimi Sigurpál... Það væri gott að hafa mömmu sína að leita til, þó að auðvitað hef ég stjúpmóður mína, tengdamóður og frænkur, þá er það alls ekki það sama. Stundum þegar mér finnst þetta allt saman vera of mikið, námið, strákurinn og bara allt, þá langar mig bara mest að skríða í mömmufang og skæla. En það þýðir víst ekki, auðvitað get ég svosem skælt hvar sem er, en núna þegar ég er orðinn “fullorðin” (tala um það hérna á eftir) þá reynir maður frekar að herða sig upp og brosa einu gervibrosinu enn framan í heiminn, því núna veit ég það að þetta líður hjá á endanum.

,,Ásrún, þú ert orðin fullorðin!” var sagt við mig á sjómannadagsballinu með mikilli undrun. Ég var á ekta fyllerís-trúnó þegar þessi manneskja sagði við mig að hún hefði aldrei séð litla strákinn minn, á eftir því kom ,,Shit, guð minn góður Ásrún þú ert orðin fullorðin!!” Eins og köld gusa í andlitið var mér þá ljóst að það er nokkuð til í þessu. Ég er orðin lögráða, ég sé um mig sjálf, ég bý sjálf, ég borga reikningana sjálf, ég hef helling af allskyns reynslu sem ég hef orðið mér útum með ansi stormasömum unglingsreynslu, ég hef reynt að miðla þekkingu minni til yngra fólks og svo er það sem þessi manneskja benti mér svo réttilega á, ég ber fulla ábyrgð með lítilli manneskju sem ég sjálf fæddi í þennan heim... Samt finnst mér ég ekkert fullorðin... Þegar ég var lítil hélt ég alltaf að þegar maður værið orðinn fullorðinn þá væri maður fullorðinn í kollinum líka. Nei, svo er það bara ekkert þannig! Maður er alltaf hálfgert barn í kollinum! Heimir frændi segist ekki vera fullorðinn... Hann er það í árum... Hann er fullorðnari en ég ef maður miðar við það, og ábyggilega ef maður miðar við lífsreynslu líka, en er ég þá ekki fullorðnari en hann í “lífinu”, þá meina ég það að ég bý ein (með Árna og stráknum auðvitað og hann býr hjá afa því það er nú eiginlega ekki hægt að hafa gamla einan, ég er bara að taka dæmi) og svo á ég líka barn... Þó svo að hann eigi nú slatta í mér ásamt pabba, og bar ábyrgð á mér í X langan tíma.  Úff, kanski þetta sé ekkert svo gott dæmi eftir allt saman

Jæja, þá held ég að ég sé búin að ryðja úr mér meiru en nóg... Alla vega í bili ;Þ

 Fyrir þá sem eru æstir í að læra landafræði, þá lærið bara þetta lag http://www.youtube.com/watch?v=IDtdQ8bTvRc

Hittumst heil,

NúrsÁ – sem er sólbrunnin á nebbanum ;*

Þessa dagana er ég að pota kindaskít, sem er fastur á milli bita, niður í haughúsið... Voða gaman...

12 tíma vinnudagur í dag

• sjómannadagurinn var frábær
• ballið ennþá betra
• ég sakna Heimis Sigurpáls
• Get hugsanlega klárað verknámið í júlí!!!
• Þá verð ég að vinna minnst 10 tíma á dag
• Vann 12,5 í dag
• nursa87@hotmail.com  er ennþá nýja e-mailið mitt
• ég prófaði að taka í nefið...
• Það var ekkert sérstakt
• held ég sleppi því í framtíðinni...
• þarf virkilega mikið að pissa...
• er þess vegna hætt þessari vitleysu í bili
• verið þið sæl
• óskið mér góðs gengis í pisseríinu

NúrsÁ síkáta ;*